|
PROMOCIÓN
DA DOAZÓN DE SANGUE
Dende a unidade
de Promoción da doazón de sangue iníciase a
actividade do Centro de Transfusión de Galicia (CTG). Realizamos
a programación dos desprazamentos das nove unidades móbiles
que diariamente percorren a nosa comunidade e desenvolvemos as campañas
informativas:
* As unidades móbiles acuden a cada localidade en función
do número de habitantes e do número de doadores de
sangue censados en cada unha delas.
* As campañas informativas aúxtanse ás características
de cada colectivo (cidades, barrios, pobos, parroquias, empresas,
centros de ensino...).
O labor que
desenvolvo na provincia de Ourense vai encamiñado a conseguir
que tódolos días do ano prodúzanse o número
de doazóns suficientes para poder cubri-las necesidades de
compoñentes sanguíneos dos nosos hospitais:
- Charlas informativas en centros de ensino.
- Conferencias en colaboración cas asociacións.
- Distribución de material informativo antes da chegada da
unidade móbil (carteis, folletos...)
- Entrevistas nos medios de comunicación.
- Desenvolvemento de campañas especiais en colaboracón
coas institucións e asociacións (é un bo exemplo
as que levamos a cabo con ALCER-Ourense).
- Busca de voluntarios en cada concello para desnvolver programas
informativos.
Así
mesmo, cada ano poñemos en marcha un intenso plan de comunicación,
elaboramos unha campaña publicitaria que abrengue tódolos
medios de comunicación e mentemos ó longo do ano unha
intensa campaña informativa.
En síntesis, o meu traballo consiste en informar ós
cidadáns de todo o que rodea a doazón de sangue e
intertar facilitarlles a súa participación, desprazando
a unidade móbil de doazón a tódolas localidades
coa frecuencia axeitada.
Para terminar, quixera agradecerlle a colaboración nos dez
anos de actividade do CTG, a tódalas persoas anónimas,
Institucións, Asociacións, empresas, centros de ensino
e medios de comunicación, xa que sen a súa axuda sería
imposible desenvolver esta actividade. E por suposto a tódolos
que doaron sangue e permitiron que moitas persoas puidesen recuperar
a súa saúde.
(Carmen
Fernández Gil, Promotora da Doazón
do Centro de Transfusión de Galicia - CTG -, para Ourense)
|
