"E NO MESMO SACO: AODEM"

A Esclerose Múltiple

A Esclerose Múltiple é unha enfermidade crónica do Sistema Nervioso Central que afecta de forma intermitente á sustancia blanca (mielina) que recubre as fibras nerviosas da médula espinal e do cerebro. Alí donde se destrúe a mielina, aparecen as placas de texido endurecido (esclerose). Como consecuencia os impulsos nerviosos interrónpense periódicamente, ou definitivamente nos casos máis graves. É unha enfermidade moi variable, dependendo da zona que estea afectada; non segue unha pauta fixa e algunhas persoas experimentan síntomas, mentras que outras non. A súa causa é descoñecida, na que participaría un axente ambiental non recoñecido (probablemente un virus) sobre persoas con determinada susceptibilidade xenética que orixinaría a aparición dunha resposta inmune alterada, dirixida contra a mielina.
Esta enfermidade ocasiona invalidez neurolóxica grave nun tercio dos casos ó cabo de 2 - 10 anos, outro tercio evoluciona lentamente á invalidez no curso de 10 - 25 anos, o tercio restante considérase formas benignas que se estabilizan e permiten unha vida completamente normal, polo menos durante os 10 primeiros anos. A taxa de supervivencia media oscila os 25 - 30 anos. Declárase principalmente en persoas de 20 a 40 anos.
Na actualidade non existe tratamento curativo, sen embargo algúns fármacos demostraron certa eficacia acadando nalgúns casos modifica-lo curso da enfermidade, reducindo o número de brotes e a súa severidade. Por outro lado, existen numerosas vías de investigación que fan que o panorama terapéutico sexa moi esperanzador. O tratamento rehabilitador, entendido como atención integral, é de vital importancia para acada-las capacidades residuais do paciente así como para previr complicacións secundarias.

A Asociación: AODEM

En Febreiro de 1996 comeza a funcionar de maneira independente AODEM (Asociación Ourensana de Esclerose Múltiple), aínda que adherida a AEDEM. De igual maneira formamos parte de COGAMI (Confederación Galega de Minusválidos) e de DISCAFIS (Federación Provincial de Asociacións de Discapacitados Físicos de Ourense). A nosa finalidade é poder prestar unha atención integral, mellorando así a calidade de vida, respostando ó mesmo tempo ás necesidades fundamentais de tódolos afectados. Actualmente é Presidente da Asociación Constantino Guzmán Rodríguez.

Actividades e Programas de AODEM

Actividades
- Asesoramento e Orientación Familiar e Persoal
- Educación para a Saúde
- Educación e Esclerose Múltiple

Programas
- De Atención Domiciliaria
- De Intervención Fisioterapéutica
- Servicio de Movilidade
- Servicio de Consulta Xurídica

Domicilio Social

Area Social AIXIÑA
Rúa da Farixa, 7 - Finca Sevilla
32.005 - OURENSE
Tlf/fax: 988 25.22.51
Correo electrónico aodem@wanadoo.es

(fonte: Asociación Ourensana
de Esclerose Múltiple - AODEM)