|
A DOAZÓN DE SANGUE EN GALICIA I. A DOAZÓN DE SANGUE É un acto seguro, sinxelo, cómodo e necesario para que moitas persoas poidan soluciona-lo seu problema de saúde, e mesmo, salva-la vida. Os homes poden doar un máximo de 4 veces ó ano e as mulleres 3 veces ó ano; deixando pasar entre cada doazón un mínimo de 2 meses. Non se debe acudir sen almorzar e despois de xantar haberá que deixar pasar dúas horas. ENTREVISTA:
Antes da doazón un médico realiza unha entrevista confidencial, para descartar calquera aspecto que impida á súa realización. Mídese o pulso, a tensión sanguínea e tómase unha pinga de sangue dun dedo para medi-lo nivel de hemoglobina e descartar unha posible anemia. As condicións mínimas para doar sangue son: - Persoas cunha idade entre 18 e 65 anos - Saúde normal e máis de 50 quilos de peso - Non padecer nin ter padecido enfermidades transmisibles polo sangue (hepatite B, hepatite C, sífilis, SIDA,...) DOAZÓN:
Dura aproximadamente de 5 a 7 minutos. O persoal sanitario emprega MATERIAL ESTÉRIL e dun só uso, que é desprecintado momentos antes de atender ó doador. RECUPERACIÓN: Ó rematar, ó doador toma un refrixerio consistente en auga ou refrescos e algún alimento sólido. O volume de sangue extraído (450 ml) recupérase nas dúas horas posteriores á doazón. A doazón NON DEBILITA o organismo. Ós poucos días de ter doado envíase ó domicilio do doador, de xeito confidencial, un carné que acredita a súa condición de doador, xunto cos resultados das análises realizadas, para o coñecemento do seu estado de saúde. A posesión do carné de doador non obriga a doar un número determinado de veces ó ano xa que, por lei, a
doazón de sangue é un acto voluntario. II. SOBRE O SANGUE O sangue non se emprega tal e como se lle extrae ó doador. Cada bolsa de sangue doado sométese a un proceso de separación no que se obteñen tres compoñentes sanguíneos (glóbulos vermellos, plasma e plaquetas). Normalmente cada enfermo require só un deles: - GLÓBULOS VERMELLOS. Precísanse nas intervencións cirúrxicas, nos transplantes de órganos, hemorraxias debidas a accidentes, …Duran ata 42 días- PLASMA. Contén proteínas para o tratamento de grandes queimados , enfermidades crónicas, enfermidades infecciosas, ,... Consérvase ata un ano
- PLAQUETAS. Necesítanse no tratamento de enfermos con cancro ou leucemia, nos transplantes de medula ósea, … Tan só duran 5 días. Os compoñentes sanguíneos tamén pódense doar polo procedemento de AFÉRESE. Esta forma diferente de doar, permite a separación dos compoñentes da sangue no mesmo proceso da doazón , permitindo obter en unha aférese as mesmas plaquetas que as obtidas en seis doazóns convencionais co que se mellora a calidade transfusional e se reduce o risco de reaccións adversas para o paciente. Tan só 7 de cada 100 doadores posúen o grupo sanguíneo CERO NEGATIVO coñecido como DOADOR UNIVERSAL, frecuentemente utilizado nas urxencias, polo que estamos a desenvolver campañas informativas para concienciar a este grupo especial de doadores.
Nunha intervención cirúrxica poden precisarse 2 bolsas de glóbulos vermellos, pero nalgúns accidentes de tráfico e nos transplantes de fígado chégase a utiliza-lo sangue que doan 20 - 30 persoas e as veces máis. III. DATOS SOBRE A DOAZÓN NO 2003 En agosto de 1993 comezaba o labor do Centro de Transfusión de Galicia, ocupando a nosa Comunidade Autónoma o derradeiro lugar de España en taxa de doazón de sangue (25 doazóns por cada 1.000 habitantes e ano). Co desenvolvemento das campañas informativas e as facilidades que se deron ó aumenta-las campañas de doazón de sangue mediante unidades móbiles, produciuse unha progresiva concienciación da poboación. As 121.663 doazóns de sangue do pasado ano 2003, que representan 45 doazóns por cada 1.000 habitantes e ano, fixeron que por cuarto ano consecutivo acadásemos o índice recomendado pola Organización Mundial da Saúde (40 a 60 doazóns por cada 1.000 habitantes e ano), superando a media de doazón estatal, que actualmente está en 39 doazóns por cada 1.000 habitantes. Nos once anos de actividade do CTG, Galicia foi a comunidade de maior incremento acumulado en número de doazóns de sangue, cun crecemento do 76 %. Isto motivou que pasásemos de se-la última comunidade autónoma en taxa de doazón a nos converter na cuarta a nivel estatal.
No ano 2003 cabe salientar o gran incremento na participación acadado nas provincias de Ourense e Lugo, gracias a un programa especial levado a cabo nestas dúas provincias, no que desenvolveuse unha intensa campaña informativa e aumentáronse os horarios de atención ó doador.
IV. CONCLUSIÓNS
2. O desprazamento diario das dez unidades móbiles facilitou a participación dos cidadáns, que actualmente prefiren doar sangue nas unidades móbiles (84%) ó contrario que en 1992.
4. Salienta-lo crecemento alcanzado no pasado ano 2003 nas campañas de doazón organizadas nas empresas (34%), nas parroquias (26%) e nos barrios das grandes cidades ( 3% ).
6. Actualmente, rexuveneceuse enormemente a base de doadores de sangue en Galicia, xa que a metade das persoas que participan teñen entre 18 e 32 anos.
V. CONTACTA CO CTG O Centro de Transfusión de Galicia dispón dunha liña GRATUÍTA de atención telefónica (de 8.00 ás 22.00 horas) no que é posible solucionar calquera dúbida relacionada coa doazón ou coñece-la data dos desprazamentos das unidades móbiles: 900 100 828 Outras formas de contactar co CTG son o correo
electrónico e durante este ano 2004 a nosa páxina WEB: http://
www.ctg.es Departamento de Promoción
da Doazón |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
1.
En Galicia, no ano 2003, participaron nas campañas de doazón de
sangue 85.822 persoas ( 3.899 persoas máis ca en 2002 ) que fixeron
121.663 doazóns de sangue. Ademais, 15.911 persoas realizaron
a súa doazón por primeira vez, o que supón o 13% das doazóns.
3.
Sinala-lo excelente resultado das campañas levadas a cabo nos
meses verán, época de maior dificultade para acadar un nivel axeitado
de doazóns. Gracias á colaboración das corporacións locais de
máis de 200 concellos, á Federación Galega de Doadores
de Sangue e ós medios de comunicación, neste período as doazóns
medraron nun 6% con respecto ó verán anterior, o que permitiu
facer fronte a tódalas necesidades.
5.
No ano 2003 houbo en Galicia 9.365 doazóns de sangue
mediante o proceso de AFÉRESE, sendo o centro de
transfusión con máis doazóns deste tipo en España. Esta
forma diferente de doar compoñentes do sangue contribúe a
mellora-la calidade dos compoñentes sanguíneos, que posteriormente
se utilizan nos hospitais galegos e é fundamental para o tratamento
de enfermidades como o cancro e a leucemia e nos transplantes
de medula ósea.