|
INFORMACIÓN ÓS PACIENTES CON IRC EN PRE-DIÁLISE As alternativas das que se dispoñen hoxe en España para o tratamento da insuficiencia renal crónica (IRC) son básicamente catro: transplante renal, hemodiálise en centro ou domiciliaria (HD), diálise peritoneal continua ambulatoria (DPCA) e diálise peritoneal automatizada (DPA). O Aumento que nos últimos anos tiveran as modalidades de transplante, DPCA e DPA frente á alternativa máis tradicional (HD), fixeron que a selección de tratamento máis adecuado para cada paciente sexa unha parte do proceso que ata fai poucos anos non se plantexaba. A información ó paciente renal sobre as opcións de tratamento é un elemento necesario na práctica profesional. “Cada paciente ten o dereito de vivi-la súa vida coa maior plenitude e a ser informado dos posibles tipos de tratamento.” “Tódolos pacientes con fracaso renal crónico deben ser informados das distintas opcións terapéuticas, para que eles mesmos podan escoller.” Un obxectivo por tanto dos profesionais de enfermería, é aumenta-los coñecementos e a colaboración dos pacientes: é ben coñecido que unha boa educación mellora a súa calidade de vida. A tardanza da información ten un efecto negativo, xa que no intre de comezar depuración extrarrenal, a capacidade para asumi-lo que se lle explica vese afectada polo estado de avance da súa enfermidade, e a tarefa de información nese momento é moi difícil. O obxectivo da consulta pre-diálise é: proporcionar ó paciente e á familia a información adecuada co tempo suficiente, sobre as diferentes opcións de tratamento e as implicacións na rutina diaria, para que poda escoller aquello que máis se acomode o seu estilo de vida e capacidades. MATERIAL UTILIZADO: - Guía informativa “Aprendendo a coñece-las opcións do tratamento renal sustitutivo” (a entregar ó paciente na primeira cita). - Libro de peto “Preguntas e respostas” (para uso profesional, co obxectivo de homogeneiza-las preguntas máis habituais. Se se considera oportuno, podería tamén entregárselle ó paciente). - Caderno de demostración sobre “Opcións de tratamento” (para presentar ó paciente na primeira cita). - Vídeo sobre insuficiencia renal e tratamento (para visualizar xunto ó paciente na segunda cita). MÉTODO PARA REALIZAR-LO PROCESO DE INFORMACIÓN: - O nefrólogo comunica que o paciente debe comezar a recibir información. - O profesional informador adquire os datos do paciente para unha posta en contacto co paciente e acorda a primeira cita. 1º Primeiro contacto educativo (primeira cita): - Consulta de nefroloxía - Tempo empregado: 1 hora - Utilizando o caderno de demostración dase unha información xeral - Entrégase o libro “Aprendendo a coñece-las opcións de tratamento renal sustitutivo”. - Acórdase unha segunda cita nun plazo de 15 días. - Recoméndase ó paciente que relea o libro “Aprendendo a coñece-las opcións de tratamento renal sustitutivo” o día anterior a segunda cita. 2º Reforzos educativos: - Acláranse dubidas que teña o paciente. - Preséntaselle o vídeo informativo (o informador ve o vídeo co paciente). Parece claro que unha información temperán pode levar unha serie de beneficios: incrementa a posibilidade de retrasa-lo comezo do tratamento, maior índice de retención na modalidade escollida, redúcese o custo de comezo do tratamento, redúcese o tempo de hospitalización no comezo do tratamento. BENITA MANSO FEIJÓO Enfermeira Unidade Diálise Peritoneal Servicio Nefroloxía Complexo Hospitalario de Ourense |
