A 5º edición da MOTI prepara un Nadal cheo de teatro para os máis cativos Presentouse a 5º Mostra de Teatro Infantil da Cidade de Ourense, un evento cultural que xa é un clásico do Nadal ourensán. En compaña do director da Mostra, Fernando Dacosta, de Sarabela Teatro, e do Vicerreitor do Campus de Ourense, Juan Francisco Gálvez, repasaron o programa desta edición, que inclue 15 actuacións en diferentes espazos da cidade, así como pasarrúas e actividades en garderías e centros centros escolares. Terá lugar do 25 ao 30 de decembro. A 5º edición da MOTI, arrancará o vindeiro xoves 25 na rúa do Paseo cun pasarrúas a cargo de Zancolino Produs cuxa actuación leva por título Seguimos sen atopar a Mamá, que conta as peripecias dos irmáns Zeta; Zico, Zaca e Zuco. A partir de aquí os escenarios do Auditorio, Teatro Principal e Multiusos do Campus abren as súas portas para acoller actuacións dalgunhas das compañías de teatro infantil de máis renonmbre no Estados, e nas que atopamos a L’Home Dibuxat, Títeres Cachirulo, La Casa incierta, jácara teatro, Gorakada, Trécolam Cuarta Pared ou Tanxerina. O conxunto de obras desusa un programa variado que satisfará o gusto de todos e que abranguen maios e pequenos: nesta 5º MOTI poderemos atopar monicreques, teatro de obxectos, danza, multimedia, teatro de actor e mesmo teatro específicamente deseñado para bebés, con xogos ao redor da sensorialidade. As actuación, como xa se indicou, comezarán oficialmente o día 25, pero xa antes poderáse desfrutar da maxia do teatro: a partir do luns 15 e ata o venres 19 colexios e garderías contarán con accións promocionais da MOTI, e estas extenderánse a rúa a partir do 20 e ata o 23. Trátase de que todos os ourensáns poidan desfrutar o máximo desta mostra; mesmo aqueles nenos e nenas que por motivos de saúde non poidan acudir as representacións: a compañía Tanxarina estará o día 26 no Complexo Hospitalario coa súa obra Titiricircus, unha homenaxa ao circo no que comparten táboas monicreques e actores de carne e óso. O prezo das entradas, que xa están a venta no Teatro, no Auditorio e no campus, serán de 4 euros nos dous primeiros e de 3 a terceiros. Desde a organización querían lembrar hoxe a cara máis solidaria destes billetes: toda a recaudación do Campus irá destinada a UNICEF, así como toda a correspondente o Auditorio os días 26 e 27. TEATRO PRODUCIDO DESDE A CIDADE Tanto o Tenente Alcalde como a Concelleira coincidían en apuntar que esta MOTI continúa o ciclo teatral ourensán, Teatrauria, xunto coa FITO e o MITEU, facendo de Ourense unha cidade “punteira” no que as artes escénicas se refire. Indo máis aló, hoxe anunciaban a produción, desde a propia Tenencia de Alcaldía, dunha obra de teatro infantil que estreará Sarabela preto das datas propiamente ditas da MOTI. O paso foi dado hoxe na Xunta de Governo e supuxo, en verbas do Tenente Alcalde, que “Ourense pase de ser cidade soamente exhibidora de teatro a tamén productora.”. |
