Homenaxeados

O Festival Internacional de Cine Independente de Ourense chega este ano ao seu décimo aniversario facendo unha merecida homenaxe, no seu apartado de Memoria histórica, a un dos máis grandes realizadores do cinema español, o valencián, Luís García Berlanga.
A filmografía de este director está repleta de grandes películas, onde sobresaen títulos tan míticos como El verdugo, Bienvenido Mr. Marshall, Plácido, Calabuch, Tamaño natural, La escopeta nacional ou La Vaquilla. En estas obras podemos ver reflectidas as constantes habituais do seu cinema; o patetismo, a tenrura, o humor negro, a opresión, a cotidianeidade, a traxicomedia, ademáis dunha perfeta descrición dos tipos e costumes sociais da época, aos que se achega con cariño pero sen ningún tipo de edulcoramento. O apartado de Memoria Histórica ten recoñecido durante estos dez anos a directores, actores e escritores como; Antonio Román, Manuel Mur Oti, Juan Antonio Bardem, José Antonio Nieves Conde, Antonio Casal, María Casares, Wenceslao Fernández Flórez, Gonzalo Torrente Ballester e Camilo José Cela.
Outra merecida homenaxe vai ser para o actor Imanol Arias, moi coñecido entre o gran público polas series Anillos de oro, Brigada central ou Cuentame cómo pasó, e protagonista de películas como; La muerte de Mikel, El Lute, camina o revienta, Tiempo de silencio ou La flor de mi secreto. Arias recibirá o Premio Cidade de Ourense, que en anos anteriores xa recolleron personalidades da talla de Montxo Armendáriz e José Sacristán.
Por último, no apartado de Cine e emigración lembraranse as figuras dos galegos afincados en Mexico Demetrio e Ángel Bilbatúa, o que, para moitos, máis que unha lembranza é un auténtico descobremento ao igual que o foron nas pasadas edicións o director Juan Orol e o actor Fernándo Iglesias "Tacholas".

Valentín Barreiros