Xavier Bermudez

Os últimos premios Mestre Mateo 2005, que estiveron adicados a "historia da comunicación audiovisual", converteron a película León e Olvido, do director ourensán Xavier Bermudez, na mellor longametraxe do ano no audiovisual galego, ademáis de premiar á sua protagonista Marta Larralde como mellor intérprete feminina. Xa anteriormente o mesmo filme se fixera cos galardóns ao Mellor Director e á Mellor Actriz na novena edición do Festival Internacional de Cine Independente de Ourense, así como o Premio Especial do Xurado do Festival de Cine de Málaga e o Globo de Cristal ao Mellor Director e a Mellor Actriz no Festival de Karlovy Vary.

A historia de León, un rapaz con síndrome de Down, que pretende acaparar a atención da súa irmá Olvido coa que convive desde que quedaron orfos, deparou un grande recoñecemento ao seu director e guionista Xavier Bermudez, que despois das dificultades habituais en este tipo de traballos conseguiu sacar o proxecto para adiante con un resultado do máis satisfactorio.

Na súa longa experiencia no medio audiovisual, Bermudez traballou facendo guións para diversos programas de Radio 3 como; Sólo sé que noche nada, Perfil de ruedo, Caravana de Hormigas e Pensamiento 3, ademáis de facer diversas colaboracións en prensa e televisión. No terreo cinematográfico é un realizador que posue unha grande formación cinéfila o que o levou a publicar no ano 2000 o libro; Buñuel: espejo y sueño. Tamén foi coguionista das películas; Retrato de mujer con hombre al fondo e Los pasos perdidos, ambas da directora Manane Rodríguez, e creou a súa propia productora, radicada en A Coruña, Xamalú Films.

Con respeto ao seu cine, Bermudez posue unha grande vocación autoral, con preferencia por historias pequenas e intimistas, como o demostran os seus traballos desde as primeiras curtametraxes La hija del anarquista ou Canción de cuna e o documental Peregrinos, ata as duas longametraxes anteriores Luz negra e Nena, onde sempre asume os labores de guión, dirección e producción.

Valentín Barreiros