|
O
ESCRITOR OURENSÁN JORGE EMILIO BÓVEDA PUBLICA
NOVO LIBRO
 J.E.
Bóveda e Mundourense sacan adiante A Través de
Cristal. Breviario de Perspectivas, con prólogo
de Javier G. Lamelas e portada de Óscar Blanco, que
recolle os artigos deste colaborador con Mundourense
e Ourense por Barrios dende o ano 2003 até o
2006.
Os artigos
ou perspectivas están agrupados/as por temas para a
súa mellor coherencia; neses temas que máis sorrisos
ou bágoas producen a Bóveda: A literatura, a educación,
a psicoloxía, socioloxía, mediosofía (case filosofía)
ou o cinema (pouco, xa que o groso sobre cinema queda
para outro libro co permiso de Valentín Barreiros).
Todo adobiado co sexto sentido; o sentidiño común; o
más común dos sentidos.
Por
desexo expreso de Bóveda non imos engadir unha entrevista
ao uso pois considera que queda constancia do seu xeito
de pensar, ver e racionalizar nas propias perspectivas
e nas entrevistas previas encol dos libros anteriores.
O libro
estará á vosa disposición de dous xeitos. Os románticos
empedernidos poderán adquirilo en formato tanxible de
libro de toda a vida na libraría Torga e para aqueles
que desenvolveron a nova habilidade da lectura a través
da pantalla do ordenador hai un enlace a unha versión
electrónica en formato PDF na propia web de El Fotomatón.
Pincha
aquí
|
3 DE FEBREIRO DE 3950. 
