JORGE EMILIO BÓVEDA* PUBLICA CON BUBOK PUBLISHING S.L. SÚA PRIMEIRA NOVELA CURTA EN GALEGO

Mälström ou a Caixa do correo

Trátase de Mälström ou a Caixa do correo, unha historia introspectiva sobre Alma Vicuña do Ermo, unha muller entrada nos trinta que toma un tempo sabático despois dunha relación sen sabor co seu noivo de toda a vida, Cosme, verquendo seu cariño e atencións no seu fiel can Lobo (nome posto pola admiración que sinte a protagonista polo escritor portugués António Lobo Antunes).
A aparición dunha carta misteriosa na súa caixa do correo pode supoñer a apertura dunha cancela insospeitada a unha dimensión distinta, quizais...

A noveliña é unha defensa do desiderátum aquel que nos mantén con vida. O perpetuo desexo que, tras ser cumprido, condúcenos a outro que se fusiona co anterior, nunha sucesión desiderativa; o desexo constante. É un mergullarse nas augas que nos levan polos costumes banais desta sociedade que cambia só por fora, onde o auténtico quizabes sexa só o amor. Se é que se entende o que é o amor en realidade.

A venta do libro realizase a través da internet, na seguinte dirección: http://www.bubok.com/libros/2295/MALSTROM-ou-a-Caixa-do-Correo e pode ser voso polo módico prezo de 8,07 €uros en formato de libro romántico para apalpar e ulir e apertar, e de 2 €uros en formato de libro electrónico (PDF).



* JORGE EMILIO BÓVEDA é escritor e mestre de inglés. Leva publicados oito libros e participado en máis de cinco obras colectivas. De vez en cando debuxa (A Papeleira de reciclaxe en OU por Barrios), guioniza (O inquilino, Ecos...) e deseña (libro Auria de Cine de Valentin Barreiros...). Tamén escribe artigos para Mundourense e OU por Barrios.
Na actualidade ten nunha gabeta dous libros: unha novela longa en galego e un ensaio de cine, mentres perpetra súa terceira novela en galego e seu segundo libro de pensamentos.