| PENSAMENTO INTERSUBXECTIVO
Esta actividade científica ten unhas características que tan só gustaría mencionar para non facer extensa de máis esta perspectiva: é lóxica, é determinista, parsimoniosa, xeral, específica, contrastable empiricamente, aberta a revisión e intersubxectiva. Non me estenderei máis, agás con esta última palabra. É precisamente este último adxectivo o que inqueda de certo xeito a este que lles besbella ao longo do cable internáutico: INTERXUBXECTIVIDADE. A actividade científica é intersubxectiva porque o achado dun determinado descubrimento científico non depende do equipo de operarios que o levaron a cabo, xa que se pode chegar a resultados similares en dous ou máis experimentos paralelos. Tras quedar co termo “intersubxectividade” e obviando a actividade científica por respecto, ignorancia, e para evitar o intrusismo, levámola ao terreo do pensamento e chegamos á conclusión de que o pensamento tamén é ou pode ser intersubxectivo. E canto. Pois non é a primeira vez que lendo a Ortega, Montaigne, Marx, Marai, Emerson, Savater, Marina, Wittgenstein, Levinas ou calquera que se dedicara ou se dedique a plasmar seus pensamentos en papel, nos decatamos que chegamos ás mesmas conclusións por camiños diferentes e que o expresamos en outra lingua, noutro tempo, con outras palabras e noutros contextos. Intersubxectividade. Noso deber: buscala sempre. Como? Xa o imaxinan. Un pensante PENSAMENTO INTERSUBXECTIVO |
Queridos internautas. Son un pensante que mata o tempo a pensar, nestes tempos tecnificados e científicos, e que sabe por lóxica que a ciencia, como vostede tamén saberá, require en termos xenéricos de varias esixencias inamovibles: recompilar datos, elaboralos, extraer deles conclusións, confrontar estas conclusións con outros datos e co resultado doutras investigacións, ordenar todas as conclusións de xeito sistemático e expoñelas con precisión. Ningunha destas accións cúmprese ao azar, porque existen procedementos ou métodos establecidos para obter os mellores resultados en cada unha delas.