| O SEÑOR DAS MOSCAS
Pasou tempiño e, sen alimento algún, fartouse de defecar sobre aqueles produtos que todo o enchían; produtos que agoniaban á pobre mosquiña que non vía o xeito de abandonar aquela prisión repentina e absurda que apareceu de repente nun caloroso día de xullo, nun descanso dunha secuencia de saltos entre fez e fez, nun momento maldito no que se perdeu do seu grupiño de moscas verbeneiras. Pobre mosca. Dende o intre en que quedou presa, non dubidou en bater contra aquel cristal traizoeiro e demoníaco, que lle permitía ver o exterior sen posibilidade de acadalo. Perdía os folgos en tanto intento, porque no máis fondo de si estaba convencida, mentres voaba sobre os produtos para coller pulo para botarse contra o escaparate, de que o éxito da salvación consistía en petar contra o cristal até lograr atravesar a “sinxela” barreira de vidro que a separaba da liberdade. Só era cuestión de bater, bater, bater, bater, bater, bater. Pobre mosca. Tras moito bater, bater e bater, a pobre mosca foi caendo no recanto xusto onde o vidro fai ángulo recto cos andeis onde se expuñan aqueles produtos que todo o anegaban, e morreu, engruñada, tras loitar pola causa dos golpes reiterados para a salvación, voando arredor daqueles produtos que foi o último que puido ver noso malogrado personaxe. Tras unha curta pero intensa vida de bostas, cuartos traseiros bovinos, e outras escatoloxías que forrarei, morría ante o enfoque daqueles obxectos expostos ao longo, alto e ancho daquela tenda: LIBROS: tratábase dunha libraría especializada en... libros de supervivencia. PD: o Señor das moscas é a ignorancia; o rei dos ignorantes. Fuxa del como da morte. Emerson Raid Johnson O SEÑOR DAS MOSCAS |
A mosca patexaba con angustia contra o cristal do escaparate, diante da mirada impasible e ignorante dos peóns que se detiñan a contemplar aquelas novidades, sen ser conscientes de que un pequeno ser loitaba pola supervivencia tras ter quedado cerrado naquel local comercial hermético, abafante, cheo de produtos comerciais. Pobre mosca.