"18 Comidas", de Jorge Coira, película inaugural do 15º OUFF
"18 Comidas", dirixida por Jorge Coira, inaugura oficialmente o 15 Festival de Cine de Ourense. A película, producida por Tic Tac Producciones, Zircozine e Lagartocine, será a protagonista da Gala de Inauguración, o sábado 2 a partir das 21 horas no Auditorio Municipal.Gran parte do seu reparto, entre os que se atopan Luis Tosar, Antonio Mourelos, Camila Bossa, Cristina Brondo, Esperanza Pedreño, Víctor Clavijo, Juan Carlos Vellido, Pedro Alonso, Mario Zorrilla, Víctor Fábregas, así como o equipo técnico, acudirán á que será a estrea en España da película.
Porén, antes da proxección haberá unha serie de actuacións: María do Ceo e a bailarina india Kaberi Chatterjee ofrecerán respectivos espectáculos de música e danza. A actuación estelar da noite virá da man do dúo formado por Luís Tosar e Piti Sanz (autor da música orixinal de 18 Comidas).
