A noticia de portada do número 50 do Barrios Deportivo é o bo momento que están a atravesar o CD Ourense e Club Ourense baloncesto. Dúas vitorias nos dous últimos encontros é a bagaxe tanto de "rojillos" como de cobistas e cun cambio de tendencia notable con respecto ás últimas xornadas.
A presentación da IX Andaina "Ourense capital termal de Galicia" é outra das novas máis destacadas, xa que este evento é un referente das andainas galegas.
O Balonmán Pabellón está a loitar polo ascenso á 1ª Autonómica chegando á fase final cunha grande ventaxa respecto aos seus rivais.
Na entrevista "Defendendo as nosas cores", Helena del Río, do Cidade As Burgas é quen ten o protagonismo neste número.
Atletismo, Pitch and Putt, pádel, tenis de mesa e un longo etcétera son outras das novas que ofrecemos nas páxinas do primeiro Barrios Deportivo do mes de febreiro.
