O domingo día 27 de maio a partires das 10:00 terá lugar na cancha central do Pavillón dos Remedios de Ourense, a fase do IV TORNEO DE PRIMAVERA correspondente á modalidade de ximnasia rítmica.
En edicións anteriores este Torneo se desenvolvía conxuntamente para as dúas modalidades. Debido ó crecemento en participantes, e para facilitar unha mellor organización e adaptación ós calendarios de cada modalidade, este ano, o club organizador, Club Ximnasia Pavillón, decidiu organizalo en dúas datas distintas. A modalidade de trampolín tivo o seu Torneo de Primavera o pasado 22 de abril, coa participación de todos os clube galegos deste modalidade.
O día 27 de maio o Torneo acollerá a competición individual federada, para a que se conta, unha vez rematadas as inscricións, coa práctica totalidade dos equipos galegos clasificados para o nacional (Esquío, Acordes, María Barbeito, Arousa e Club Ximnasia Pavillón), ademáis de ximnastas individuais de outros clubes (Treboada, Apostol Santiago …).
Tamén terá lugar na mesma sesión a competición de conxuntos de Promoción nas súas categorías prebenxamín e benxamín. Estarán nesta cita conxuntos dos clubes xa mencionados, ademáis de outros, coma o Club Rías Baixas.
O evento se completará coa exhibición dos conxuntos e individuais do Club Ximnasia Escola Pavillón e Escolas Municipais de Xinzo de Limia e Barbadás, así como o colexio Miraflores de O Pereiro.
Se espera, como en outras edicións unha masiva afluencia de público, para presenciar os exercicios das case trescentas ximnastas, entre as que veremos ás mellores ximnastas do panorama galego actual, que se darán cita no Pavillón dos Remedios.
