O Concello de Verín organiza, por sexto ano consecutivo, a Xornada de Deporte e Saúde co fin de desenvolver políticas activas para mellorar a calidade de vida dos veciños e veciñas, promovendo a saúde a través dunha alimentación saudable e a práctica de actividade física regular. Esta iniciativa, na que tamén colaboran Municipio de Chaves, Eurocidade Chaves-Verín, Cabreiroá, Saudeter e HortoVerín, terá lugar o vindeiro 2 de xuño, de 9.30 a 20.30 horas.
As actividades deportivas previstas para esta xornada, que se desenvolverá no complexo deportivo de A Granxa, son:
- 3º Torneo Internacional Fútbol 7 (de 9.30 a 20.30 horas)
• Nas categorías de benxamín (nados/as no 2002 e 2003) e prebenxamín (nados/as no 2004). Na categoría de benxamín participan EDC Verín Benxamín A, EDC Verín Benxamín B, Redondela, Club Desportivo Chaves, Escolas do Benfica, ED Puebla de Sanabria, Velle C.F. e E.D. Xinzo de Limia; mentres que na de prebenxamín compiten EDC Verín, CD Ourenese, Pabellón CF, CD Barbadás, EDC Celanova e CD Santa Teresita).
• As finais do torneo serán ás 18.30 horas (benxamín) e 19.30 horas (prebenxamín), e nos descansos de ambos partidos terá lugar unha exhibición de baile das EDM do Concello de Verín.
- Encontro Internacional Tenis (de 9.30 a 20.30 horas)
• Partidos entre a Escola de Tenis do EDC Verín e a Escola de Tenis de Vila Real, nas categorías alevín e infantil.
- Torneo de Fútbol-Sala (de 9.30 a 20.30 horas)
• Nas categorías de infantil (nados/as no 1998 e 1999) e benxamín (nados/as no 2002 e 2003). Na categoría de infantil participan EDC Verín, EM Celanova, AD Flaviense, Troula de Vigo e Barval de O Barco de Valdeorras. E nas de benxamín compiten Pavillón Ourense, Troula de Vigo, EDC Verín A, EDC Verín B y Flaviense.
- VI Encontro Deporte e Saúde (18 horas)
• Iniciativa programada para asociacións rurais e de mulleres da provincia de Ourense, que desenvolven durante o ano actividades deportivas saudables, socios e alumnos de cursos de instalacións deportivas e centros sociais, e integrantes de colectivos participantes en actividades específicas como baile, tai chi, pilates ou ioga.
• Realización de actividades como aerobic, zumba, ioga, pilates, streching ou roda merengón a cargo dos diferentes especialistas de Saudeter (IV premio Agader 2010).
• Actuacións de alumnos/as das Escolas Saudeter nas disciplinas de acrosport, urban dance o baile latino.
Por outra banda, durante as próximas semanas, o Concello de Verín programará a realización das seguintes actividades deportivas:
a) Fútbol
Fase de ascenso á Liga Galega Cadetes
• Tras a consecución do campionato de Liga provincial, que lle otorga a posibilidade de clasificarse para a Liga Galega Cadetes. A primeira eliminatoria terá lugar entre EDC Verín Cadetes e o CD Independiente de Vigo, e o partido de ida disputaráse o 26 de maio, ás 12.15 horas, en Vigo; mentres que a volta será o 3 de xuño no complexo deportivo de A Granxa.
Fase de ascenso á Liga Galega de Xuvenís
• Ao igual que o EDC Verín Cadetes, o equipo de Xuvenís conseguiu o campionato de Liga provincial, que lle otorga a posibilidade de clasificarse para a Liga Galega Xuvenís. A primeira eliminatoria terá lugar entre Xuvenís e o Céltiga, e o partido de ida disputaráse o 26 de maio, na Illa de Arousa; mentres que a volta será o 3 de xuño no complexo deportivo de A Granxa.
• Organiza o Concello de Verín.
Fase de ascenso á Liga Galega Infantís
• Tras a terceiro posto no campionato de Liga provincial, que lle otorga a posibilidade de clasificarse para a Liga Galega Infantís. A primeira eliminatoria terá lugar entre EDC Verín Infantís e o Colegio Hogar Vigo, e o partido de ida disputaráse o 3 de xuño no complexo deportivo de A Granxa, mentres que a volta será o 10 de xuño en Vigo.
b) Fútbol- Sala
XXIX Copa Deputación de Fútbol-Sala (26 de maio)
• Participarán os equipos EDC Verín Alevín e EDC Verín Infantil, e terán lugar en Cartelle e Celanova. Os partidos de semifinais serán: Mestre Vide e EDC Verín Infantil ás 10 horas, e Mestre Vide e EDC Verín Alevín ás 11 horas. Se acadan a victoria nos respectivos partidos, asi finais xogaríanse ás 17 horas na categoría infantil, e unha hora máis tarde os alevíns.
Fase de ascenso Autonómica de Fútbol-Sala (27 de maio)
• Tras a consecución do campionato de Liga provincial, o Verín Fútbol-Sala Infantil participa na Fase de Ascenso Autonómica xunto cos outros campións de liga provinciais en Galicia (Victoria C.F. -A Coruña-, Quiroga -Lugo- e Colegio Miralba -Pontevedra-). Terá lugar en Lugo, as semifinais serán ás 11 e 12 horas, o partido polo 3º e 4º posto ás 17 horas, e a final ás 18 horas.
c) Ciclismo
V Marcha Val de Monterrei-Verín (27 de maio)
•A saída terá lugar ás 9.30 horas, desde complexo deportivo A Granxa e conta con tres percorridos: unha ruta de 60 quilómetros (dificultade alta), outra de 35 (dificultade media) e un paseo de 20 quilómetros (dificultade baixo). O trazado discorrirá polos municipios de Verín, Castrelo do Val e Riós. Participarán máis de 200 ciclistas procedentes non só de Galicia senón tamén do norte de Portugal e outras provincias españolas.
•Organiza o Club BTT Verín en colaboración co Concello de Verín e a Eurocidade Chaves-Verín.
d) Sendeirismo
4ª Andaina da Eurocidade Chaves-Verín 'Ruta do Contrabando da Cidadella' (27 de maio)
• Ruta de 10 quilómetros e dificultade media entre Soutochao (Vilardevós) e Segirei (Portugal)
• Para achegarse a localidade de inicio da andaina sairá un autobús gratuíto do Centro de Cultural de Chaves ás 8 horas (hora portuguesa) e da praza do Concello de Verín ás 9.30 horas (hora española).
• Nesta actividade, organizada pola Eurocidade Chaves-Verín, tamén participan Cruz Vermelha Portuguesa- Delegação de Chaves, Cruz Vermella de Monterrei, Voluntarios de Protección Civil de Verín, Concello de Vilardevós e Asociación Rota das Augas.
e) Clausura das Escolas Deportivas Municipais de Verín
•Exhibición dos/as alumnos/as das distintas disciplinas deportivas das Escolas Municipais 2011-2012.
• No Pavillón de Deportes, o 31 de maio a partir das 18 horas.
• Organiza o Concello de Verín.
