Os interesados poderanse inscribir a partir do luns nos propios centros cívicos: Colón, A Ponte, As Termas e A Cuña.
A Concellería de Benestar Social do Concello de Ourense organiza obradoiros de verán para escolares de Educación Infantil e Primaria nos centros cívicos da cidade: Casco Vello, A Ponte, A Cuñas e As Termas. Son gratuítos e desenvolveranse de luns a venres polas mañás, de 10:30 a 13:00 horas, dende o día 2 de xullo ata o 31 de agosto. Os interesados poderanse inscribir a partir do vindeiro luns, día 11, ata o día 18 de xuño, entregando as súas solicitudes nos propios centros cívicos.
Con esta iniciativa, o Concello pretende axudar á conciliación familiar e laboral das familias, ofertando propostas de lecer lúdicas e formativas para os nenos dur5ante as súas vacacións escolares. Estas actividades contribúen tamén á dinamización dos barrios da cidade, desde os seus centros cívicos, dando continuidade ás que se desenvolven durante o curso de outubro a xuño nesta rede de equipamentos municipais.
Os nenos poderanse escribir por quincenas. Cada unha delas terá unha temática diferente e, en torno a ela, desenvolveranse actividades variadas: xogos, manualidades, bailes, contacontos,... Os eixos temáticos serán:
- Os transportes, viaxes e vacacións
- As cidades, a nosa cidade. Educación Vial
- Os xogos olímpicos, os deportes e os países
- Respecto polo medio: os seres vivos, os animais.
A admisión será por orde de entrada das solicitudes e quincena de preferencia e tentarase que todos nenos desfruten dalgunha das actividades elixidas.
