O nomeamento do número 4 da lista electoral municipal do BNG como director xeral de Rehabilitación Urbana evidencia, de novo, que a colocación de comisarios políticos prima sobre inversións productivas ou o aforro nas arcas do Concello.
Co anuncio do nomeamento do novo director xeral de Rehabilitación Urbana do Concello de Ourense confírmase o que xa viña sendo evidente dentro da política de xestión do Bipartito: o amiguismo e a filiación política prima sobre as inversións productivas ou o necesario aforro nas arcas municipais.
Así o considera o Grupo Municipal do Partido Popular de Ourense, a tenor do nomeamento, de novo, dun comisario político nacionalista para un posto que debería ser ocupado en base a criterios máis técnicos que políticos, dada a natureza do cargo de director xeral de Rehabilitación Urbana. Fiel á súa filosofía de colocación, o Bipartito colocará como responsable desta Dirección Xeral a quen ocupou o número 4 da lista electoral do BNG nas pasadas eleccións municipais.
O posto de director xeral no Concello de Ourense ten un custe bruto para as arcas municipais de 57.365,88€ anuais (Seguridad Social incluida), idéntico ao da concelleira non electa, outro cargo a todas luces prescindible para os cidadáns, pero imprescindible para a política executada polo Bipartito, máis preocupado por manter contentos aos amigos e familiares, que por acadar melloras globais para a cidade e os ourensáns. É por esto que o Grupo Municipal do Partido Popular de Ourense lamenta que o Bipartito presente uns presupostos carentes de inversións e, pola contra, non escatime en gastos para colocar a comisarios políticos en postos carentes de rentabilidade para os intereses da cidade.
