Unha das citas imprescindible do cativos e cativas de Ourense en verán, o Campamento Urbán da Asociación Xuvenil Amencer, cumple xa 25 anos. Do 1 ao 14 de agosto Ourense acolle unha nova edición desta iniciativa para rapaces de entre 8 e 15 anos, totalmente gratuíta e sen límite de prazas. Unha ampla oferta de actividades de lecer por diferentes espazos da cidade que ademais, este ano, rememora os 25 anos de historia do campamento: cada día lembra algunha das edicións cunha actividade específica, por exemplo, a solta de globos inaugural do ano 1987.
O Campamento Urbán de Amencer realízase con apoio de diferentes organismos e patrocinadores privados, sendo fundamental o aportación da Concellaría de Xuventude “non só económico senón tamén de xestión e acceso a espazos municipais”. A achega de este departamento mantívose igual que en anos anteriores, a pesar da obrigada contención orzamentaria deste exercicio. Neste sentido, a Concelleira de Xuventude, Marta Arribas, explicaba esta mañá na presentación da actividade que “investimentos así son os que hai que manter a toda costa, pois benefician de xeito tranversal ao todos os veciños e veciñas da cidade, non de xeito puntual, senón ao longo do tempo, asegurando por un lado a conciciliación famiilar e laboral en moitas familias e o benestar dos nenos e nenas”.
A Concelleira de Xuventude, Marta Arribas, estivo acompañada na presentación que tivo lugar na OMIX pola coordinadora do Centro Xuvenil Amencer, Laura Valcárcel. A representante de Amencer quixo salientar a labor dos voluntariados e voluntarias de Amencer “rapaces e rapazas de entre 18 e 25 anos que adican o seu tempo de verán a acompañar aos pequenos nestas actividades e que rachan co mito dunha xuventude que non se implica nin se compromete”. Só o ano pasado 159 voluntarios participaron no Campamento Urbán, e a súa dispoñibilidade permite a Amencer facer unha actividade sen límite de prazas. Na edición de 2011 participaron en total 476 rapaces de entre 9 e 15 anos e 141 de 15 en adiante, ademais dos propios voluntarios “polo número de preincripcións que xa temos feitas semella que este ano imos superar a cifra”, apuntou Valcárcel.
A inscrición no Campamento Urbán Amencer é libre e gratuíta e pode realizarse desde hoxe na propia asociación (Praza de Don Bosco, 1 988218123) ou na Concellaría de Xuventude (Praza San Martiño,2 988388154). Non existe límite de prazas e serán posibles as incorporacións de novos participantes durante as propias datas dos campamentos. Entre as actividades previstas para agosto figuran visitas a zona termal, xornada de piscina, visita a espazos culturais como o Auditorio, unha xornada de praia, etc.
