O alcalde reuniuse en Madrid con secretario de Estado de Cultura, José María Lassalle.
O alcalde de Ourense, Francisco Rodríguez, acadou en Madrid un acordo co Ministerio de Cultura para xestionar a apertura ó público do Claustro de San Francisco en canto rematen as obras. O molo será unha encomenda de xestión que ultiman agora os técnicos de Concello e Goberno para distribuir as cargas da apertura e mantemento deste espazo histórico de Ourense, actualmente pechado ó público.
Francisco Rodríguez desplazouse esta mañá a Madrid, onde mantivo unha reunión con José María Lassalle, secretario de Estado de Cultura, co que analizou a situación da parte das obras de rehabilitación que afectan exclusivamente ó claustro de San Francisco.
Recentemente, o edil ourensán remitira unha misiva ó Ministerio de Cultura na que ofrecía a colaboración do Concello de Ourense para atopar un modelo de xestión que permitise, unha vez rematadas as obras de acondicionamento, abrilo ó público.
Tanto o representante ourensán como o do Ministerio de Cultura coincidiron na idoneidade dunha fórmula que, implicando ás dúas administracións –Concello e Goberno-, facilite a próxima apertura ao publico do claustro.
Encomenda de xestión
Neste senso, os técnicos do Ministerio de Cultura xa traballan nun borrador, que será ultimado nas próximas semanas, para realizar a constitución formal deste modelo e sinalar os recursos necesarios para a apertura e mantemento desta importante infraestructura cultural.
O alcalde de Ourense sinalou que “é importante avanzar entre as administracións para que tan pronto rematen as obras teñamos de novo aberto ó publico unha das pezas máis improtantes do noso patrimonio histórico-artístico”.
Por outra banda, respecto ás obras do arquivo e da biblioteca, o alcalde manifestou a súa inquietude pola situación de parálise desta obra e pediu que se mantivera a prioridade de mesma, pese a comprender as dificultades de dipoñibilidade orzamentaria.
Asímesmo, pediu que os sucesivos orzamentos do Estado contemplaran as partidas suficientes para seguir avanzando nesta prioridade.
