Ata o vindeiro 29 de xullo o Centro Cultural "Marcos Valcárcel" da Deputación de Ourense acolle a exposición fotográfica "Compartindo miradas", de Oscar Cela e promovida pola ONG "No Te Olvidaré (NTO)".
A ONG "No Te Olvidaré (NTO)tenta poñer en marcha na rexión de Wukro (Etiopía) diferentes proxectos de solidariedade, entre eles unha escola de guías de montaña, por ser esta unha zona de especial atractivo turístico para os amantes do montañismo e do parapente do mundo.
A ONG tenta darlle unha formación útil aos nenos e nenas máis desfavorecidos da rexión. Este é só un dos diferentes proxectos desta organización solidaria na rexión.
