Unha fotografía da manifestación do 19-X contra o plan de axustes aprobado polo Goberno de Rajoy, á que acudiron unhas 15.000 persoas, e outra imaxe das atraccións das festas da Ponte son portada do número de xullo de Ourense por Barrios.
Unha edición na que tamén recollemos a aprobación inicial en pleno dos orzamentos de 2012 no Concello de Ourense, a presentación do proxecto do Centro de Interpretación das Burgas e dos centros de saúde do Couto e A Valenzá, a visita de Feijoo ao solar do futuro edificio xudicial e a do conselleiro Xesús Vázquez ao Liceo para comprobar a rehabiliación do inmoble, a presentación da memoria da Policía Local ou a decisión do Consello de Goberno da Universidade de Vigo de dar luz verde á implantación dos estudos de Enxeñería Física no campus ourensán.
No apartado de entrevistas, falamos co grupo de música ourensán The Teta's Van, formado case integramnte por mulleres, e coa enfermeira e misioneira en Bolivia Purificación Lorenzo, que nos traza un retrato da vida no país latinoamericano.
No deporte, prestamos atención ao futuro do CD Ourense, á desaparición do Carmelitas, á decisión da Concellería de Deportes de suprimir as subvencións nominativas e ao resultado do noso III Trofeo Barrios Deportivo de fútbol sala.
As imaxes do mes, un especial de ocio no verán, os artigos dos nosos colaboradores (estreamos sección invitada, "Desde o soto do Concello" a cargo dos concelleiros de DO), e moito máis, pódelo consultar on line en pdf.
