A Intercultural 2008-2009

No Campus de Ourense vaise celebrar unha nova edición da Intercultural que traerá numerosas actividades durante o curso 2008-2009. Consulta as actividades ata finais de ano.

Venres 21 de novembro
O XULGADO DE VIOLENCIA DE XÉNERO A DEBATE NA INTERCULTURAL
Representantes de distintos sectores sociais debatirán maña sobre a necesidade dun xulgado de violencia de xénero na nosa cidade.

O venres 21 ten lugar unha nova intervención dentro do programa "A Intercultural", do Campus de Ourense. Nos días previos do Día Internacional contra da violencia de xénero, o programa comparte temática con outras actividades do propio Campus e do concello de Ourense.

Nas súas diferentes manifestacións –física, psicolóxica, sexual ou económica- a violencia de xénero afecta a todas as mulleres sen distinción de tempo histórico, nacionalidade, raza, estatus social ou económico, credo relixioso ou idade.

Se coincidimos en que a violencia de xénero -tamén chamada doméstica ou machista- é tan vella como a humanidade, concluiremos que a desigualdade, a discriminación e a violencia de toda índole que as mulleres sofren só pode acontecer e sosterse coa cobertura que lles prestaron as normas legais en cada tempo histórico. Por iso, o movemento feminista tense caracterizado
históricamente por reclamar reformas lexislativas que propiciasen a igualdade entre os sexos e o respecto aos dereitos humanos das mulleres.
Para cando, pois, un xulgado contra a violencia de xénero en Ourense? Ou, hai vítimas de primeira e segunda categorías segundo os tipos de violencia? A resposta políticamente correcta é que non, mais a realidade e que si apesar de discursos e poses.

Moderará o debate: Ana Garriga Domínguez, Directora da Área de Igualdade da Universidade de Vigo e Profesora de Filosofía do Dereito.
Participarán no mesmo:
Ana Luisa Bouza Santiago. Directora do Servizo Galego da Igualdade da Xunta de Galicia
Ana Fernández Morenza. Responsábel do turno de oficio de violencia de xénero do Ilustre Colexio de Avogados de Ourense
Jaime Parra Español. Xuíz do Xulgado de Primeira Instancia e Instrucción número 1 de Santander e ex-titular do Xulgado de Instrucción número 3 de Ourense.
Eva Salgado Rodríguez. Representante da Marcha Mundial das Mulleres.

O acto terá lugar no Salón de Actos do Edificio Politécnico ás 20.15 horas.

Xoves 4 de decembro
Video-conferencia con 3 estudantes/investigadores ourensáns no exterior. Achegamentos ao día a día dun estudante ou investigador desde ópticas e realidades distintas. Como se ve o ensino e a investigación no noso país desde outros puntos do planeta (EE.UU e Europa).
Lugar: Sala de video-conferencia do Campus. Ás 19.00 horas.

Mércores 10 de decembro
Parkour no Campus. Un grupo de 5 persoas da Asociación Vigoextreme de Vigo atravesarán o Campus desde a súa entrada (pola rúa Dr. Temes) até a Facultade de Dereito ou a Biblioteca, procurando sempre a distancia máis curta e rachando as barreiras que se poden atopar. Xa no campus sur, farán unha demostración, acompañados da música do DJ compositor ourensán DAK.
Lugar: Na esplanada da cafetería da Biblioteca Central do Campus ás 19.00 horas.

Martes 16 de decembro
Concerto de Natal. Presentación en Ourense do grupo Lizgairo, formado por Rodrigo Romaní, Anxo Pintos e Xosé Liz.
Sala: No salón multiusos do edificio de Facultades ás 19.00 horas.

Mércores 19 de novembro
Coloquio con José Luis Cuerda. Presentado por José María Pérez "Chesi". Making off, proceso de rodaxe en Ourense do filme Los girasoles ciegos e encontro co público.
Lugar: Salón de actos do edificio Politécnico. Ás 18.00 horas.

José Luis Cuerda achégase até A Intercultural para participar dun coloquio co público arredor da súa última producción Los girasoles ciegos. Estará presentado por Xerardo Méndez, vogal en Ourense da AELG.*

O mércores 19 terá lugar unha nova intervención dentro do programa A Intercultural, do Campus de Ourense. Será nesta ocasión José Luis Cuerda quen se achegue até o Campus para participar dun Coloquio coa comunidade universitaria e co resto da cidadanía.

O encontro xirará arredor da súa última produción Los girasoles ciegos e da rodaxe en Ourense, ao tempo que presentará algunas imaxes inéditas e falará de por que elixiu a nosa provincia e como foi a rodaxe. Estará presentado por Xerardo Méndez, vogal da AELG, en sustitución de José María Álvarez Pérez "Chesi", quen non poderá asisitir ao acto por motivos de saúde.